ГО НАРЕКУВААТ ПСИХОПАТ: Виден член на Хамас добил четири доживотни казни, а потоа е разменет за киднапиран израелски војник

Добивај вести на Viber

„Мозокот“ на палестинската терористичка група Хамас во Газа го нарекуваат Хитлер на Блискиот Исток. 

Од 7 октомври, кога операцијата на Хамас,  „Поплава Ал-Акса“ ја проби бариерата што Израел ја изгради околу Појасот Газа, уби 1.200 луѓе и зеде уште 240 заложници, според израелските власти е замисла на Јахја Синвар.

Израелските власти велат дека Синвар, водачот на Хамас во Газа и член на неговото политичко биро од 2013 година, бил еден од организаторите на нападот на 7 октомври, заедно со Мохамед Деиф, командант на военото крило на Хамас, бригадите Касам и Марван Иса, заменик на Деиф.

Се верува дека Синвар ја има најголемата цел на својот грб, бидејќи израелскиот премиер Бенјамин Нетанјаху и другите израелски официјални лица го нарекоа „мртовец што чекори“.

Синвар, познат и како Абу Ибрахим, има безброј приказни за него, од кои повеќето придонесуваат за идејата дека тој е скоро мистичен негативец.

Потполковник Ричард Хехт, портпарол на израелската војска, го нарече Синвар „лицето на злото“, додека американскиот претседател Џо Бајден го опиша нападот кој Синвар, наводно го планирал, како „чисто зло“.

Овој човек е роден во 1962 година во бегалски камп во Кан Јунис, во јужниот дел на Газа, во семејство раселено од ционистичките банди за време на Накба (катастрофа) во 1948 година.

Тие беа од Ал-Мајдал, палестинско село кое беше срамнето со земја за да се изгради израелскиот град Ашкелон.

Пред да наполни 20 години, Синвар за прв пат беше уапсен во 1982 година од израелските власти, поради „исламски активности“.

Во 1985 година повторно бил уапсен, а за време на тој втор престој во затвор се запознал и се зближил со основачот на Хамас, шеикот Ахмед Јасин.

Синвар беше привлечен од Хамас и, на 25-годишна возраст, помогна во формирањето на Ал-Мајд, организацијата за внатрешна безбедност на групата, што му донесе бескомпромисна репутација за справување со Палестинците кои соработуваа со Израел.

Тој доби четири доживотни казни затвор.  Во текот на следните 22 години затвор, Синвар бил строго дисциплиниран, научил течно да зборува и чита хебрејски. Тој  станал лидер меѓу затворениците и централна личност за преговори со затворскиот персонал.

Ехуд Јаари, соработник во Вашингтонскиот институт за политика на Блискиот Исток, кој четири пати го интервјуираше Синвар во затвор, изјави за Би-Би-Си дека Синвар е „психопат“.

„Но, да се каже за него: „Синвар е психопат, точка“, би било погрешно, бидејќи тогаш нема да ја разберете оваа чудна, сложена фигура“, рече Јаари.

На 18 октомври 2011 година, Израел размени повеќе од 1.000 палестински затвореници за Гилад Шалит, киднапиран израелски војник, а Синвар беше меѓу Палестинците со кои се тргуваше. Од затвор, Синвар брзо се издигна низ хиерархијата на Хамас.