Го спуштил оружјето и си заминал: Французин дезертирал од ИСИЛ!

Добивај вести на Viber

Францускиот државјанин и некогашниот член на најбруталната терористичка организација ИСИЛ, Флавие Моро (27) го напуштил џихаот бидејќи не можел да се откаже од страста кон цигарите.

Имено, Моро е првиот французин на кој му се суди бидејќи бил член на Исламската држава. Иако е уапсен минатата година досега не се знаеше како полицијата дошла до него. Според неговите зборови се вратил доброволно во Франција бидејќи не можел да престане да пуши.

„Навистина се мачев со тоа. Не смеев да пушам бидејќи ми беше забрането. Со себе дури понесов никотински гуми за џвакање, но ни тие не ми помогнаа. Така еден ден го спуштив оружјето и си заминав“, признал Моро.

После тоа се вратил во Франција, но морал да се откаже од својот сон за враќање во Сирија. Неколку пати се обидел да се врати, но со оглед на тоа дека неговото име е познато на разузнавачките служби ширум Европа и Северна Африка, не можел да стапне во ниту една земја.

Моро инаку потекнува од Јужна Кореја, но е посвоен кога имал две години. Уште од порано и е познат на полицјата поради своите криминални активности.