Годишен хороскоп за 2019: Новата година за некој ќе донесе многу пари, за некој разочараувања

Добивај вести на Viber

Големиот годишен хороскоп за 2019 пристигна. Што им носи новата година на хороскопските знаци?

Овен –  година на успеси и порази

За Овните, 2019 ќе биде година на успеси и порази, измешани чувства и многу постигнати резултати. Во текот на првите месеци ќе бидете нервозни, па дури и бесни и покрај тоа што ќе ви се случуваат убави работи.

Меѓу вас и членовите на семејството ќе се појави мала дистанца, особено кога станува збор за машките роднини – браќа или татко. Ве советуваме да бидете внимателни. Доаѓаат и финансиски проблеми, а ќе бидете убедени дека вашиот живот се распаѓа, иако тоа во реалноста нема да биде така.

Сепак, генерално оваа година ќе ви донесе сила и самодоверба, благодарение на тоа што ќе успевате постојано да одите напред. Постои можност ситуацијата на ова поле значајно да се подобрува  –  да пронајдете нова работа или пак да напредувате на старата. Крајот на годината носи убава финансиска добивка и сјајен период за вложување или купување на некои недвижности.

Ако имате проблеми со здравјето, тие ќе се средат до летото 2019 година, но би требало да се занимавате со вежбање и здрава исхрана, ако сакате да останете здрави и убави.

Вториот дел од годината носи исполнување на многу желби за Овните. Подгответе се, ве очекуваат убави патувања и свечености. Како што годината ќе се приближува до крајот, ќе забележувате дека сте помирни и посреќни.

Бик –  феноменална година

Судејќи по хороскопот, оваа година ќе биде исполнета со изненадувања и чудесни случувања. Годишниот хороскоп за Биковите предвидува и многу сјајни шанси за напредок во кариерата и остварување на поголем профит. Студентите ќе имаат можност за усовршување и почеток на сјајна кариера во странство. Биковите кои имаат веќе остварени кариери ќе успеваат да ги завршат своите обврски на време и да ги импресионираат шефовите. Тие ќе предлагаат постојано креативни идеи за напредок на целата компанија.

Семејниот живот ќе биде исполнет со љубов и убави односи со членовите на семејството и блиските. Сепак, ова е време кога ќе морате да поставите приоритети, да направите долгорочни планови и малку повеќе да се посветите на себе.

На Биковите им се советува да не брзаат и да не потклекнуваат пред желбите, бидејќи би можеле да западнат во лични или финансиски проблеми. Ќе бидете заинтересирани да го збогатите својот социјален живот, да идете на забави што не е својствено за вас.

Положбата на планетите носи одлично влијание на сите животни полиња, но и создавање нови врски, а за многу припадници на овој знак, 2019 носи и можности за брак.

Здравјето ќе биде на завидно ниво, но не би било лошо да бидете внимателни околу изборот на храната и да вежбате повеќе.

Близнаци – ги очекува клучен совет кој ќе мораат да го применат

Близнаци, подгответе се, кога ќе почне 2019 ќе се најдете на мета на работното место. Луѓето ќе доаѓаат до вас и ќе се трудат да земат се што можете да им дадете. Останете силни. Главата горе, ќе постигнете успех и не се срамете сами да се пофалите.

Внимавајте на себе и вложете напори, но не ја земајте секоја работа која ќе ви ја даваат. Годишниот хороскоп покажува дека голем дел од работата ќе биде непредвидлив, но најголемиот напредок доаѓа во ноември или декември.

Кога станува збор за односите со луѓето, ќе продолжите да бидете вообичаена, неодлучна личност. Оваа година  не е година да се донесат големи одлуки, но постојано ќе ги вагате предностите и мааните на вашата врска. Шансите се големи да сакате да го промените својот живот од јануари до јуни, но тоа ќе ви донесе само стрес.

Совет за сите Близнаци: ценете го тоа што го имате. Имате одлични пријатели и семејство. Време е тоа да го забележите. Застанете малку и забележете ги убавите работи околу себе.

Здравјето ќе биде добро, но повремено ве очекуваат инфекции и настинки и затоа треба да бидете внимателни да внесувате доволно витамини.

Рак – самите себеси сте си најголемиот непријател

Вие верувате дека тоа што го правите е исправно. Затоа, можеби ќе ви бидете исфрустрирани кога ќе ве одминат позитивните работни резутлати. Кога 2019 ќе започне ќе се чувствувате како да сте на врвот на светот во професионална смисла.

Наградите ќе дојдат кај оние кои вложуваат доста време и енергија за да го постигнат тоа што го сакаат. Ако не сте вложиле во работата, ќе ви биде тешко да гледате како другите постигнуваат успех, но не и вие. Од една страна, ќе знаете дека тоа е фер, но од друга ќе бидете многу бесни.

Преиспитајте се и потрудете се да сфатите што сакате да остварите во вториот дел на годината. Не се грижете –  тоа не значи дека 2019 нема што да ви понуди. Годишниот хороскоп за 2019 покажува дека во текот на летото, финансиите ќе бидат добри, но не во онаа мера во која се надевате.

Почетокот на годината ќе ви донесе многу искушенија на полето на љубовта. Односите ќе бидат лоши поради лошите зборови кои ќе ги кажувате и затоа треба да бидете внимателни и свесни дека вие сте тие кои треба да ги поправат работите. Во текот на овој период, ќе сфатите колкава моќ имаат зборовите. Научете малку трпение и запаметете дека не сте секогаш во право.

Кога станува збор за здравјето, раковите се себеси најлошиот пријател. Годишниот хороскоп носи добри и позитивни емоции, но и многу стрес. Како и секогаш, одморајте се доволно и вложувајте максимално во деновите кога немате сила и енергија.

Лав –  бурен период, но трудот ќе се исплати

Годишниот хороскоп за Лавот покажува дека 2019 ќе биде многу бурна. Признанија, унапредувања и внимание. Сите работи за кои Лавот смета дека вреди да се живее. Ваквиот успех ќе продолжи во текот на целата година што е добро. Започнувањето на нова работа или продолжување на старата може да донесе голем успех за вас. Ако нешто не оди, не губете време.

Лавовите понекогаш знаат да бидат кралици/кралеви на драмата. Имајте го на ум ова ако вашата врска се соочи со проблеми во текот на 2019. Не мора да значи дека проблемот ќе лежи во вас, но размислете добро пред да ја обвините другата страна. Обрнувајте повеќе внимане на вашите сакани. Тргнете го вниманието од себе, барем некое време.

Некои луѓе ќе сакаат да ви се приближат, но ќе имаат потешкотии со тоа бидејќи нема да ги пуштите така лесно во вашиот живот. Морате да се потпрете само на себе оваа година за да ги решите проблемите, но запаметете никогаш да не правите драма. Ако постои проблем, решете го и продолжете понатаму.

Ве очекува одлично здравје во текот на 2019 година, но потрудете се да јадете здрава храна, да вежбате и да се опуштате што повеќе. Одморот е клуч за вас оваа година.

Девица –  професионални проблеми и раздор во емоционалните односи

Во 2019 важно е да престанете да ги брзате работите. Годишниот хороскоп покажува дека овој вид на невнимание може да доведе до сериозни проблеми во кариерата и финансиите. Наместо тоа, време е да проверите дали сте направиле се како што треба. Проверувајте ги документите и тоа 2 пати. Не брзајте во ништо, бидејќи можете да западнете во проблеми.

Хороскопот за 2019 покажува дека вашата кариера ќе доживее голем напредок од почетокот на март, но бидете трпеливи. Годината носи многу награди за Девиците – затоа вежбајте доверба и следете ги правилата.

Почетокот на годината носи раздор во емоционалните односи. Ќе ви биде потребно повеќе време за да ги решите проблемите. Не очекувајте работите сами да се решат од себе, туку посветено решавајте ги самите. Ова е идеална година за да се посветите на односите со другите луѓе и да ги унапредите.

Во однос на здравјето, немате причина за грижи. Здравјето ќе биде добро. Останете во форма, јадете здрава храна и поработете на тоа. Ако тоа ви здосади, пробајте нова физичка активност.

Следна страна