Вработените во еден рибен ресторан во Белград направиле голема деловна грешка пред неколку дена - на српскиот премиер Александар Вучиќ за послужената вечера наместо фискална сметка, му дале обична пресметка.
Двете сметки изгледаат слично, но во втората не е пресметан данокот на додадена вредност. Со ваков вид сметки, многу ресторани и деловни објекти го одбегнувале плаќањето на ДДВ. Кога го забележал тоа, српскиот премиер реагирал бурно и предупредил дека за вакви пропусти следува затворање на ресторанот, пишуваат српските медиуми.
„Нашиот најголем проблем. Јас не можам никому, па ниту на членовите на сопственото семејство да им објаснам дека треба да бараат фискална сметка. И дека кога некој не ви ја издава, тоа значи дека краде од вас, од вашите училишта, од вашето дете“, рече Вучиќ во јуни.
Нејасно е како и покрај ваквите изјави, вработените во ресторанот се осмелиле токму пред очите на премиерот да ја оштетат државната каса.