ГОЛЕМА ПОТРАГА ПО ИСЧЕЗНАТО ДЕВОЈЧЕНЦЕ - во Германија исчезна двегодишно дете, во нејзината близина има река
Објавено во: Свет 18 Декември, 2023
Речиси 200 луѓе синоќа трагаа по исчезнато двегодишно девојче во германскиот град Бинген, пренесува Билд. Од полицијата потврдија дека девојчето се уште не е пронајдено. Портпаролот на полицијата изјавил дека ова е многу опасна ситуација за детето поради екстремно ниските температури.
Тој објасни дека е неопходна брза интервенција. Беше започната опсежна потрага во која учествуваа полицијата, пожарникарите и техничките служби. Бидејќи реката Лаучер тече блиску до родителската куќа на исчезнатото девојче, пристигнаа и нуркачи. Користени се четири дронови, хеликоптер и кучиња трагачи.
Полицијата соопшти дека потрагата била отежната поради густата магла и ниските температури кои се спуштија близу нулата. Големата потрага беше прекината околу полноќ, но операцијата продолжи во текот на ноќта во помал обем, се вели во објавите. Допрва треба да се реши натамошниот тек на операцијата. Полицијата засега не дава никакви информации за позадината на исчезнувањето на девојчето.
Индекс
Фото: ЕПА