Големите сили ќе одлучуваат за слободата на Интернет

Добивај вести на Viber

Слободата на Интернетот е сериозно загрозена поради претстојната Светската конференција за меѓународни комуникации, која ќе се одржи од 3 до 14 декември во Дубаи во организација на Обединетите нации, предупредува најголемиот светски пребарувач Гугл. Од компанијата информираат дека претставници на владите на земјите-членки на ОН , за време на конференцијата ќе се обидат да усвојат нова спогодба за информирање и комуникација, а некои земји се обидуваат да го преземат надзорот врз техничките делови на мрежата и системот на домеини од американските тела и да го префрлат на меѓународната организација. Гугл побара помош од своите корисници да потпишат на онлајн петицијата против овие измени. Дел од предлозите, кои ќе идат ставени на дневен ред, може да им овозможат на владите да ги цензурираат легитимните говори, па дури и да оневозможат пристап до Интернет. Според други предлози за  сервисите како што се Јутјуб, Фејсбук и Скајп, се најавуваат нови давачки. Од Гугл се велат дека Светската конференција за меѓународни комуникации е погрешно место за донесување одлуки за иднината на Интернетот. Иако агенцијата не ги објавува предлозите на секоја влада пред конференцијата, на сајтот „Wcitlekas“, кој го водат научниците од Универзитетот Џорџ Мејсон е објавен предлогот на Русија, која смета дека САД треба да имаат помала контрола врз Интернетот. Генералниот секретар на ИТУ, Хамдоун Туре претходно ги коментираше начинот на кој ќе функцонира конференцијата и како  новите прописи ќе бидат усвоени. Тој тврди дека ќе се направи обид да се избегне мнозинското гласање, доколку има големи несогласувања околу некои прашања и оти расправата ќе се води во насока на компромис.