Горан Милевски им го „украде“ министерството за локална самоуправа на НДП
Објавено во: Македонија 23 Јуни, 2019
Горан Милевски и официјално се сели во извршната власт. Тој ќе биде нов министер за локална самоуправа.
Ова стана јасно од одлуката на премиерот кој денеска ги соопшти имињата на новите министри согласно владината реконструкција.
Милевски доаѓа од ЛДП помалиот коалиционен партнер на СДСМ со што повеќе нема да биде и пратеник во Собранието.
Сепак на оваа одлука реагираат од НДП.
Тие велат дека министерството за локална самоуправа им припаѓа на нивната партија и негодуваат на одлуката на Заев.
„Премиерот не може да одлучува без наша согласност, да ова министерство да му го доделува на внатрешен партнер на партијата СДСМ, со кој има внатрешни проблеми, за да ги задоволи неговите коалициони партнери а во штета на владината коалиција.
Ако премиерот е сериозен во неговата намера, ние како партија ќе донесеме соодветна одлука, и ќе одговориме со конкретен став, за кој ке бидете известени“, соопштија од таа партија.