Горан Трајановски ќе го пробива Телеком Србија на македонскиот пазар
Објавено во: Економија 03 Август, 2021 07:30
Поранешниот оперативен директор на Македонски телеком, Горан Трајановски, е назначен за управител на новоформираната подружница на Телеком Србија која со овој акт српскиот оператор од крајот на јули официјално влегува на пазарот во Македонија
Српски Телеком ќе нуди мобилни услуги во нашата држава до крајот на 2021 година, по претходна најава на српските медиуми. Подружницата во Северна Македонија го носи името Мтел и ќе започне да нуди сателитски ТВ услуги во рок од еден месец,според она што претходно го пренесе Танјуг како цитат од генералниот директор на Телеком Србија, Владимир Лучиќ.
Мобилната телефонија и услугите за оптички Интернет ќе бидат воведени до крајот на 2021 година.Инаку мнозински сопственик на компанијата е Република Србија со 58,11 проценти сопственички удел. Покрај државата, сопственици се и Телеком Србија а.д. Белград со 20 проценти од акциите, граѓаните на Република Србија со 14,95 проценти и вработените и поранешни вработени во Телеком Србија а.д. Белград со 6,94 проценти
Трајановски претходно го водеше Македонски телеком откако во 2017 беше избран од бордот на директори. Тој е магистер по индустриски менаџмент, дипломиран инженер по електроника и телекомуникации, искусен телекомуникациски експерт со долгогодишно практично искуство во областа.Основач е на стартапот IP Home & Office. Во периодот од јануари 2014 до ноември 2015 работел на развивање на платформата “За Интернет на нештата” (апликации и веб сервиси), на дизајн на хардвер и имплементација на паметни системи за ефикасно управување со електричната инсталација во домовите и индустриските објекти. Иницирал проектирање и развој на Business to Business IOT решенија. Со IP Home & Office освои 4-то место на вториот интернационален натпревар Business Wall of fame според бројот на гласовите.
Во период од 2003-2004 бил на позиција програмски директор во Македонски Телеком, одговорен за реорганизација на компанијата. Ја имплементирал програмата патот кон успехот, која опфаќала 3 стратешки и 5 функционални проекти. Исто така предходно бил раководител на одделот за поправки во Македонски телеком, директно придонесувајќи кон зголемување на сервисите за поправки во компанијата.
Пред да стане оперативен директор во 2017, тој ја извршуваше функцијата помошник министер за информатичка технологија и телекомуникации во Министерството за внатрешни работи.
Агенцијата за електронски комуникации веќе потврди дека српскиот оператор е заинтересиран во периодот што следи да влезе на македонскиот пазар со нудење на сателитска телевизија, а по Нова година да биде дел и од бизнисот со телефонски услуги и интернет. Неофицијално, Телеком Србија има намера да купи еден од помалите телекомуникациски оператори.
А.К.
Можеби ќе ве интересира
Николоски: Ја пријавив Бугарија дека не сака да ја гради железницата
ПРОДАДЕНИ 6.000 АКЦИИ НА ГРАНИТ ПРЕКУ БЛОК ТРАНСАКЦИЈА - кој плати сума од 185 илјади евра
„НЕ МОЖЕМЕ ДА ЗБОРУВАМЕ ЗА УВОЗНА ИНФЛАЦИЈА, КОГА ТАА СЕ НАМАЛУВА ВО ЗЕМЈИТЕ СО КОИ ИМАМЕ НАЈГОЛЕМА ТРГОВСКА РАЗМЕНА“ - Крешник Бектеши во Бизнис муабети на Фактор
НЕ Е ВАЖНО ШТО МЕЛАНИЈА Е СЛОВЕНКА, СЛОВЕНИЈА ЌЕ БИДЕ МЕЃУ НАЈПОГОДЕНИТЕ ОД ЦАРИНИТЕ НА ТРАМП! Инфлацијата во Србија ќе се намали
ТОНЕ КОН ДНОТО: Добивката на БМВ падна за 37 отсто, причината лежи во Кина
„Рајнематл“ го премина „Фолсваген“ во вредноста на берзата
„НЕ ЗНАМ КАДЕ Е ГРУБИ, НО СИГУРЕН СУМ ДЕКА БИ СЕ ВРАТИЛ ВО ЗЕМЈАВА КОГА БИ ЗНАЕЛ ДЕКА ЌЕ СЕ СООЧИ СО НЕСЕЛЕКТИВНА ПРАВДА“ - Крешник Бектеши во Бизнис муабети на Фактор
Казна за странската инвестиција „Кранфилд Фаундри“, треба на државата да и врати повеќе од 2 милиони евра
Огромен интерес и внимание за македонската делегација на глобалниот самит во Баку – Силјановска и Божиновска во центарот на глобалните дискусии
