ГОРИ ВО СОЧИ: Се евакуираат луѓе
Објавено во: Свет 02 Април, 2018
Повеќе од 50 луѓе, меѓу кои и 15 деца, се евакуирани попладнево од своите домови, откако пожар зафати петкатна станбена зграда во центарот на рускиот град Сочи.
Пожарот, кој започнал на покривот на објектот, досега уништил над 600 метри квадратни површина.
Во тек е операција на противпожарните екипи за гаснење на огнот.
Претставник на противпожарната служба изјави дека во градот дува силен ветер, кој достигнува брзина и до 20 метри во секунда, што го отежнува гаснењето на огнот и може дополнително „да ја усложни состојбата“.
Засега нема информации за жртви.