ГОРИВАТА СО НОВИ ЦЕНИ - бензините поевтинуваат од два до дваипол денари

Добивај вести на Viber

Бензините по полноќ ќе се продаваат по пониски цени, но нема промена кај останаите деривати, соопшти Регулаторната комисија за енергетика. 

Од РКЕ посочија дека малопродажната цена на бензинот Еуросупер БС-95 се намалува за 2,50 денари за литар, додека малопродажната цена на бензинот Еуросупер БС-98 се намалува за 2,00 денари за литар. 

Малопродажните цени на Еуродизел (Д-Е V), на Екстра лесното масло за домаќинство на (ЕЛ-1) и на Мазутот М-1 НС не се менуваат.

- Референтните цени на нафтените деривати на светскиот пазар во споредба со претходната пресметка бележат намалување во просек: кај бензините за 5,418 отсто, кај дизелот за 3,412 проценти, кај екстра лесното масло е за 3,198 отсто и кај мазутот намалувањето е за 1,854 проценти. Курсот на денарот во однос на доларот во изминатиот период по кој беа формирани цените со претходната пресметка е понизок за 0,3912 отсто - се посочува во соопштението на РКЕ. 

Од 8.3.2025 година од 00:01 часот максималните цени на нафтените деривати ќе изнесуваат: 

- Моторен бензин Еуросупер БС - 95               75,00 (денари/литар) 

- Моторен бензин Еуросупер БС - 98               77,50 (денари/литар) 

- Дизел гориво ЕУРОДИЗЕЛ БС (Д-Е V)          72,00 (денари/литар) 

- Масло за горење Екстра лесно 1 (ЕЛ-1)       71,50 (денари/литар) 

- Мазут М-1 НС                                                  43,501 (денари/килограм) 

Од РКЕ непоменуваат дека ова се максималните цени на нафтените деривати, а трговците на големо и на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени.