Град Скопје демантира: Повторно ќе се отвори постојката на 50ка, затворена е поради реконструкција на улицата
Објавено во: Македонија 21 Март, 2018
Градот Скопје со демант за информациите кои кружеа на интернет порталите, во кои се тврди дека кратко по враќањето на 50ка во ГТЦ, оваа постојка повторно е затворена, со што се манипулира јавноста.
„Ве информираме дека пренасочувањето на движењето на автобусот со број 50 е привремено заради изведување градежни работи, односно се врши реконструкција на улицата којашто минува под ГТЦ. По завршувањето на оваа реконструкција автобусите повторно ќе застануваат на автобуската постојка во подрумот на ГТЦ. Воедно, сакаме да Ве потсетиме дека за повторното отворање на оваа постојка не беа потрошени финансиски средства на Град Скопје“ се наведува во соопштението од Град Скопје.