Градежната комора бара начин како да ги дозагуши Центар и Карпош
Објавено во: Економија 21 Декември, 2018 14:14
Градежната комора на Македонија е во паника по серијата укинувања на Уставниот суд на новите ДУП-ови донесени од претходното раководство на општина Карпош и воведениот мораториум за забрана за градби во општина Центар и бараат начин како да „се заобиколат“ овие акти со цел да продолжи експанзијата.
Ова било денеска разговарано со министерот за транспорт и врски Горан Сугарески, од кого било побарано да се најде алтернативна можност „за да се решат овие проблеми“ и да се продолжи со градбите во атрактивните општини.
Министерот Сугарески рече дека се очекува да бидат донесени Законите за урбанистичко планирање и Законот за градба. Со ова, велат надлежните, ќе се решат спорните моменти во деталните урбанистички планови.
Од Градежната комора очекуваат раст во градежништвото од февруари наредната година, но нејзини претставници и претходно напоменуваа дека ако не се гради во примамливите скопски населби оваа стопанска гранка може да се прогласи како загрозена.
Можеби ќе ве интересира
Побарувачката за сребро ќе расте - кои земји имаат најголеми резерви?
ЕУ ОДОБРИ ПОМОШ ЗА УКРАИНА: Што се случува со цените на златото и пченицата?
Како вештачката интелигенција навистина влијае на пазарот на трудот?
Најголемото наоѓалиште на злато досега – илјадници тони скриени на 1.900 метри
НА ЕУ И НЕДОСТАСУВААТ МЕНАЏЕРИ ЗА ПРОДАЖБА, МАРКЕТИНГ И РАЗВОЈ: Оваа професија има незадоволена побарувачка
Запленетите акции на Сашо Мијалков во Алта банка ставени на продажба
