ГРАДОНАЧАЛНИК СИ ГО ДОБИ СВОЕТО: граѓаните го ставиле во средновековни окови бидејќи не работел добро
Објавено во: Свет 08 Март, 2018
Жители на гратчето Сан Бонавентура во северниот дел од Боливија одлучиле да го искористат своето право на „социјална правда“ следствено на што тие го ставиле градоначалник во средновековни окови бидејќи не ја извршувал добро својата задача како градоначалник.
Градоначалникот Хавиер Делгадо морал во окови да помине еден час бидејќи граѓаните на таков начин сакале да му стават до знаење дека не се задоволни од неговита ангажирања.
Градоначалникот требало тој ден да присуствува на манифестација на отворање на мост во тој мал град, но наместо церемонија го дочекале незадоволни луѓе кои барале казна за неговата лоша работа.
– Не ми дадоа да ги објаснам своите постапки. Не можев да дадам отпор бидејќи се плашев работите да не ескалираат, изјави казнетиот градоначалник.
Еден од оние што го заклучиле вели дека градоначалникот сам е виновен за казната бидејќи не ги ставал интересите на своите граѓани пред своите и ниту еднаш не примил граѓани на разговори./МИА