ГРАДОНАЧАЛНИКОТ НА ЦЕТИЊЕ ЌЕ БАРА ОСТАВКИ: Поради масакрот ќе бара и повеќе полицајци во градот
Објавено во: Балкан 05 Јануари, 2025
Градоначалникот на црногорскиот град Цетиње Никола Ѓурашковиќ, свика одржување на итна седница на градското собрание поради трагедијата што се случи на 1 јануари годинава, во која жител на градот уби 12 луѓе и рани 4, пренесува српска Политика.
Се очекува да предложи оставка на политичкото раководство на безбедносниот сектор, како чин на преземање објективна одговорност.
Најави дека на седницата ќе побара спроведување на независна меѓународна форензичка истрага која опфаќа реконструкција на настаните за да се утврди евентуална лична одговорност и конкретни пропусти во работата на безбедносниот сектор.
Ќе побара и формирање на Центар за безбедност во Цетиње, како и зајакнување на кадровските и техничките капацитети, зголемување на бројот на полицајци и воведување на маалски полицајци согласно стандардите на Европската Унија.
Додаде дека ќе побара воспоставување на модерен систем за видео надзор на територијата на целиот град, како и формирање специјални оперативни тимови на ниво на здравствени, социјални и градски институции и полицијата, чија задача ќе биде да го препознаат девијантното однесување на граѓаните. Убиецот Ацо Мартиновиќ кој по масакрот се застрела себеси, имал психички проблеми.
Пред две години нивниот сограѓанин Вук Бориловиќ изврши масакр, по што полицијата го уби.Фото: EPA-EFE/STRINGER
Можеби ќе ве интересира
ПОЗНАТИОТ ТРАГАЧ ОД „ПОТЕРА“ РЕЖИСЕРОТ МИЛИНКОВИЌ ПОЧИНА НА БОЖИКНА ЛИТУРГИЈА: Му се слошило во црквата во Јабуковац
ЌЕ СЕ ГРАДИ НАЈСКАПИОТ АВТОПАТ ВО ВРЕДНОСТ ОД НАД ЕДНА МИЛИЈАРДА ЕВРА: „Поврзувањето на Дубровник нема цена“
ХОРОР И ЛОШИ ВЕСТИ НА БАДНИК: Пукање во кафеана во Јагодина, неколкумина повредени, брза помош на лице место
КРВАВИОТ НАПАД ТРАЕЛ САМО ПОЛОВИНА ЧАС: Откриени застрашувачки детали од масакрот во Цетиње
ЕВЕ ЗОШТО МАСОВНИОТ УБИЕЦ ОД ЦЕТИЊЕ ГИ УБИЛ ЧЛЕНОВИТЕ НА СВОЕТО СЕМЕЈСТВО: Полицијата претходно го испратила на психијатар, но едно нешто спречило да биде приведен
(ВИДЕО) СНИМКИ ОД ЦEТИЊЕ: Полицијата обвинета дека лажела за фаќањето на убиецот
НАЈЗАГАДЕНИ ГРАДОВИ ВО СВЕТОТ: Сараево е на 3-то место
НАЈМНОГУ НОЌЕВАЊА ИМАЛО ВО ДУБРОВНИК: Колку туристи ја посетиле Хрватска лани?
ПОРАДИ МАСАКРОТ ВО ЦЕТИЊЕ: Во Србија е Ден на жалост
