Градоначалникот на Чаир за Фактор: Немавме ингеренции да казнуваме

Добивај вести на Viber

Ние апелиравме и претходно, апелирам и сега да се почитуваат мерките, но граѓаните кои не биле совесни за време на полицискиот час, немавме ингеренции да ги казнуваме, вели градоначалникот на општина Чаир Висар Ганиу кој е во самоизолација и се уште го чека резултатот од тестот. Тој за Фактор вели дека ги нема новите податоци за денеска, затоа што не ги објавила и Комисијата за зарзани болести. Се тврдеше неофицијално дека најголем број од новозаразените сепак се од неколку скопски општини меѓу кои е и Чаир. 

Заклучно со вчера, во Чаир има вкупно 93 случаи од кои 54 се активни, а 32 лица оздравеле. Ганиу е дециден дека општината сторила се да ги заштити граѓаните, дезинфецирале постојано, дури и во зградите. Сепак вели дека само претпоставува зошто бројот рапидно порасна.

„Причини сигурно има, но тие официјално треба да ги соопшти Комисијата за заразни болести односно експертите. Ние немаме надлежности за казнување, ниту за утврдување вина кај прекршителите. А постојано апелиравме и пак бевме сведоци на социјалните мрежи на собирања и непочитување на мерките дури и за времена полицискиот час, вели Ганиу за Фактор.

А.Т.