ГРАЃАНИТЕ СЕ ПОДГОТВУВААТ ЗА НАЈЛУДАТА НОЌ: Се изнајмуваат викендички и станови преку социјалните мрежи, агенциите за недвижности со инцидентни барања за прослави

Добивај вести на Viber

На социјалните мрежи веќе има барања за изнајмување станови и викендички за прослава на новогодишната ноќ и тоа за повеќе од 10-тина луѓе. И покрај апелите на здравствените власти овие празници да поминат во многу помирна атмосфера и само со најблиските, сепак помладите генерации сакаат журки и забави за најудата ноќ.

Од неколку агенции за недвижности со кои контактираше Фактор велат дека генерално оваа година ваквите барања се прават преку социјалните мрежи, а не преку агенциите.

-Прв пат оваа година барањата за изнајмување станови или викендички за претстојните празници се сведени на минимум. Има инцидентни барања и тоа главно од помлади луѓе, но многу помалку за разлика од изминатите години. Телефоните практично не престануваа да ѕвонат од почетокот на декември, сега не е така. Оваа година побарувачката е префрлена на социјалните мрежи, велат за Фактор од агенцијата за недвижности „Импулс“.

Инаку, здравствените власти апелираат новогодишните и божикните празници да се поминат само во кругот на семејството со цел да не се случи во средината на јануари повторно да има огромен број на новозаразени со корона вирусот. Со цел да се спречи ширењето, Комисијата за заразни болести в понеделни ќе разгледува и евентуално нови порестриктивни мерки кои ќе се однесуваат првенствено на работењето на кафеаните и кафулињата за време на празниците.

А.Б.