Грчката „Алфа Банк“ се спаси од национализација

Добивај вести на Viber

Грчката, „Алфа Банк“, соопшти дека успеала да привлече доволно инвестиции од приватниот сектор, што ќе и овозможи да избегне национализација. Вкупната потреба на „Алфа Банк“ изнесува 4,57 милиони евра, а банката со продажба на акции на приватни инвеститори успеа да обезбеди 457 милиони евра. Извршниот директор на банката, Јанис Костопулос рекол дека е среќен што тие се првата грчка банка што успеала да прибави средства од приватниот сектор во рамки на докапитализација на банките.  Тој навел дека докапитализацијата на Алфа банка е пример за доверба во иднината на грчкиот банкарски сектор и вкупната грчка економија со што обезбедува пат за враќање на земјата на меѓународните пазари. Грчките банки примаат помош од Националниот фонд за спас и за да избегнат национализација, од приватни инвеститори мора да приберат една десетина од вкупно потребните средства за докапитализација.