Грчката полиција започна расчистување на миграцискиот камп кај Идомени
Објавено во: Балкан 24 Мај, 2016
Најмалку 200 грчки полицајци почнаа да го расчистуваат бегалскиот камп кај Идомени на границата со Македонија, пишува АФП. Во моментот 8400 бегалци сеуште живеат таму.
При расчистувањето не се употреби сила а полицајците на терен започнаа да пристигнуваат уште вчера, повикувајќи ги бегалците да ги соберат шаторите и да се качат на автобусите, со кои ќе бидат однесени до предвидени засолништа. На местото има и десетици полицајци во цивилна облека, како и 20 полициски комбиња.
Според податоците на Атина во моментот има 6000 слободни места во регистарски центри за бегалци, како и повеќето од луѓето од Идомени ќе бидат преместени во кампови околу Солун, што повторно не е далеку од северната граница.
До натрупувањето на бегалци на грчко-македонската граница се стигна по ефикасно затворање на балканскиот правец во март. Активностите на страните во него беа легитимирани од Брисел со договорот ЕУ-Турција од 18 март, во рамките на кој Анкара се согласи да ги прифати назад сите илегални бегалци на територијата на Грција.
Македонија престана да пропушта на луѓе кои не доаѓаат од конфликтни зони, уште кон крајот на минатата година. Во март целосно престана преминувањето на бегалци.
Така дојде да зголемувањето на бројот на луѓето во Идомени, кои во одредени моменти достигнаа над 10 000 лица. Големи групи на неколку пати направија безуспешни организирани обиди да преминат нелегално во Македонија, но беа запрени од граничните служби.
Истовремено условите за живот внатре во шатори беа под животниот минимум. Сепак повеќето од бегалците одбија да бидат преместени во други приемни точки во Грција.
Според дописникот на АФП, повеќето од жителите на Идомени се жени и деца, кои се обидуваат да стигнат до свои роднини или мажи, веќе поминале по миграцискиот правец кон Западна и Северна Европа.