Грчки министер во Скопје по референдумот, ќе се разговара за пуштање на нафтоводот

Добивај вести на Viber

зградбата на гасоводот помеѓу Грција и Македонија и и целокупното јакнење на енергетските односи меѓу двете земји во областа на електричната енергија и течниот гас, ќе доминираат во разговорите што ќе ги има грчкиот министер за животна средина и енергија, Јоргос Статакис, кој во понеделник или ден после референдумот доаѓа во посета на Македонија, пишува грчката агенција Amna.

Договорот за гасоводот Солун-Неготино беше потпишан од страна на грчката државна енергетска компанија ДЕСФА и Македонските енергетски ресурси (МЕР) во октомври 2016 година, по што следуваа серија последователни состаноци помеѓу претставници на двете компании за промовирање на проект.

Со проектот, Македонија ќе добие пристап до алтернативни извори на снабдување со природен гас преку Грција, чија цел е да стане регионален енергетски центар, ако се создадат услови гасоводот до Скопје во иднина да се прошири до други балкански земји, со што ќе добијат пристап до повеќе пазари.

Во секторот на електрична енергија, двете земји ќе разговараат и за надградба на постојната интерконекција Флорина – Битола.

Што се однесува до секторот за течни горива, во тек се преговори за повторно отворање на нафтоводот Солун-Скопје, со цел, меѓу другото, да се искористат складишните површини во рафинеријата ОКТА за снабдување на земјите од регионот.