Грчките милионери сепак ќе се откријат,пронајден е дискот

Добивај вести на Viber

Диск0т со  две илјади Грчки имиња кои имаат депозити во вкупна вредност од 1,5 милијарди евра во банките во Швајцарија,  синоќа му бил предаден на обвинителот за финансиски криминал Григорис Папонис. Евангелос Венизелос лидерот на ПАСОК кој е поранешен министер за финансии, изјави дека го имал списокот на мемориски диск и му го предал на премиерот Андонис Самарас кој потоа го доставил во Одделот за финансиски криминал (СДОЕ). Паниката околу исчезнатиот диск се создаде откако Јоргос Папаконстантину, кој пред Венизелос беше министер за финансии, откри дека во 2010 година добил диск од неговата колешка во тоа време Кристин Лагард, кој потоа му го предал на СДОЕ. Според Венизелос тој семтал дека овие информации ги имаат властите, но меморискиот диск го предаде кога беше соопштено дека СДОЕ ги нема тие податоци. Тој изрази и сомнеж дека податоците можат да се употребат за правна акција против затајувачите на данок. Сепак медиумите во Грција  јавуваат дека повеќето од сметките на списокот веќе не се активни и многу им припаѓаат на грчки бизнисмени во странство, но и оти на листата се наоѓа името на поранешен политичар од Нова демократија.