Грци, Турци, Срби- Македонија се по атрактивна за туристите

Добивај вести на Viber

Податоците на Државниот завод за статистика покажуваат пораст на бројот на туристи во земјава. Според македонската статистика  најчесто на гости ни доаѓаат луѓе од Грција, Турција, Косово, Србија. Интересен е податокот дека во овој период дошол само еден турист од, според класификацијата на Статистика, други земји од Австралија и Океанија. Странските гости во земјава најчесто сакаат да се сместуваат во хотелите со пет ѕвезди, и тоа 5.499, додека најмалку во детски одморалишта и тоа само четворица. Бројот на туристите во февруари оваа година изнесува 25.599, а бројот на ноќевањата изнесува 58.323. Оваа година бројот на туристите во февруари е зголемен за 8,7 отсто, а бројот на ноќевањата е зголемен за 10,3 отсто. Бројот на домашните туристи во февруари оваа, во однос на февруари лани, е зголемен за 11,1 отсто, а бројот на странските туристи е зголемен за 7,2 отсто. Додека бројот на ноќевањата на домашните туристи во февруари 2013 година, во однос на февруари 2012 година, е зголемен за 12,8 отсто, а бројот на ноќевањата на странските туристи е зголемен за 8,3 отсто.