Грција мора да најде 6,5 милијарди евра во наредните 3 недели, за да не банкротира!
Објавено во: Економија 05 Март, 2015
Грција е неопходно да ги рефинансира своите долгови и да спроведе камати за вкупно околу 6,5 милијарди евра во текот на следните 3 недели, вклучувајќи го и откупот на државните обврзници, објави „Блумберг“.
Атина ќе треба да се рефинансира краткорочно во вредност од 1,6 милијарди евра следната недела и да плати околу 420 милиони евра на ММФ, за да го врати својот долг и камати кон Фондот. Недела потоа грчките власти ќе треба да исплатат и нов долг кон ММФ од 913 милиони евра.
Во исто време „Блумберг“ ги забележува буџетските проекции кои покажуваат дефицит во износ од 2,1 милијарди евра во овој месец, а само во рамките на јануари имало недостиг од даночни приходи во износ од 217 милиони евра.
Сето ова укажува дека оваа „мртва точка“ на преговорите на Грција со нејзините европски партнери и се заканува нова рецесија на економијата во првиот квартал од годината и има реален ризик за испаѓање на неликвидност во следните неколку недели, соопштува финансиската агенција.