Груби: Пратениците изгласаа Закон за прекин на пописот во 2011-та година
Објавено во: Македонија 22 Март, 2018
Артан Груби од ДУИ вели дека одлуката да нема попис беше донесена од пратениците кои ја имаат добиено довербата од гласачите.
„Пописот не пропадна, туку е прекинат со одлука на Собранието на Република Македонија и со волјата на пратениците избрани од страна на народот, по предлог на Владата на Република Македонија. Пратениците изгласаа Закон за прекин на пописот во 2011-та година. Тоа е процесот, така се случи, тоа беше јавно направено пред очите на целата јавност во 2011-та година“ - рече Груби.
СЈО покрена истрага за неспроведувањето на статистичката операција во Македонија, за што осомничени се поранешниот лидер на ВМРО-ДПМНЕ, Никола Груевски и актуелниот претседател на ДУИ, Али Ахмети за проневера на над 170 милиони денари.
Според СЈО во предметот „Попис“ постои основано сомневање дека Груевски и Ахмети како лидери на политичките партии ВМРО-ДПМНЕ и ДУИ направиле договор да го спречат спроведувањето на пописот.
Тие според СЈО ја злоупотребиле службената положба.