Груевски го прекина дводневниот молк со објавување на видео-снимки
Објавено во: Македонија 14 Јуни, 2018
Поранешниот премиер на Македонија, Никола Груевски, го прекина дводневниот мол по договорот помеѓу Скопје и Атина за предлогот „Северна Македонија“. Тој на социјалната мрежа фејсбук објави две негови изјави од времето кога беше премиер, алудирајќи на тоа дека предлогот Северна Македонија е неприфатлив за него.
-Јавно отфрленото во 2009-тата – денес прифатено, но во далеку полоша верзија. Не само за надворешна, туку и за целосна внатрешна употреба, плус промена на уставот, откажување од дијаспората, историјата, АСНОМ, Илинденското востание и идентитетот, напиша Груевски.
Тој прикачи две видеа од кои едното е од А1 телевизија.