Груевски: Mицкоски да даде доказ дека јас сум прифатил валкана игра со власта

Добивај вести на Viber

Поранешниот премиер Никола Груевски кој доби азил во Унгарија, бара да бидат објавени докази дека тој имал тајна комуникација со Владата за уставните измени. 

Груевски реагира на обвинувањата од неговото наследник Христијан Мицкоски кој го обвини за тајна комуникација со владата со цел уставни измени. 

„Во врска со изјавата на Христијан Мицковски за германскиот медиум ФАЦ а поврзано со мене, го повикувам јавно да одговори на следните две прашања: 1. Дали е точно дека тоа го кажал во изјавата за германскиот медиум, 2. Доколку е точно, дали може лично тој јавно да каже со кој мој потег, изјава, натпис или било што јас сум се обидел да ја поделам партијата и да даде доказ дека јас сум прифатил валкана игра со власта која треба да ја спроведам со помош на мои приврзаници во партијата. Се надевам дека одговорот ќе е јасен, недвосмислен, директен и личен исто како и изјавата, без префрлање на изјави на преставници на партијата, портпароли, давање брифинзи на портали или други медиуми со кои има блиска соработка“, пишува Груевски на Фејсбук.

Мицкоски, го обвини неговиот претходник Никола Груевски дека е во тајна комуникација со владата, со цел да се подели ВМРО-ДПМНЕ за да се протуркаат уставните измени, пренесува „Дојче веле“ повикувајќи се на германскиот весник „Франкфуртер алгемајне цајтунг“.