Груевски: Нови работни места ќе донесе Италијанската компанија во Тетово
Објавено во: Економија 04 Април, 2015
Компанија од Италија која е специјализирана за производство на минибуси донела одлука за инвестиција од 10 милиони евра во капацитет во Тетово и отворање 500 нови работни места. Според најавата, некаде до јуни-јули планираат потпишување договорот и почеток на реализација. И ова е уште една добра вест, рече премиерот додавајќи дека белгиската компанија ина донесено интерна одлука за инвестиција од пет милиони евра и отворање на околу 100 работни места. Се очекува официјална објава од нивна страна и потпишување договор за инвестиција во јуни или јули годинава.
Ова беше соопштено пред граѓаните на Тетово на денешниот собир на ВМРО ДПМНЕ од страна на премиерот Никола Груевски.
На површина од 95 хектари се изградила технолошко-индустриската зона, каде веќе италијанска компанија преку нивната компанија во Македонија Про-компо која е специјализирана за производство на печки, апарати за сушење и греење и технологија и механички дизајн веќе започна со изградба на фабрика за композитни материјали, во вредност од 5 милиони евра, напомена Груевски.
И компанија од Белгија, која, според Груевски, има одлична репутација како снабдувач на метал во преработувачкиот сектор, веќе има донесено интерна одлука за инвестиција од 5 милиони евра во Тетово и отворање на околу 100 нови работни места.