ГРУЗИЈА СЛАВИ ЗА КАНДИДАТСКИОТ СТАТУС: Десетици луѓе веат знамиња на ЕУ во Тбилиси
Објавено во: Свет 15 Декември, 2023
Грузијците слават што нивната држава стана кандидат за членка во Eвропската Унија(ЕУ).
Десетици илјади луѓе се собраа денеска во главниот град Тбилиси за да прослават што нивната држава стана кандидат за прием во ЕУ. Оваа одлука ја гледаат како заштита од соседна Русија.
Со грузиски и знамиња на ЕУ, граѓаните се собраа на плоштадот во центарот на Тбилиси.
Лидерите на ЕУ вчера одлучија на Грузија да и доделат статус на кандидат за прием, што таа држава го бараше од почетокот на руската инвазија на Украина во февруари 2022 година.
Прозападниот претседател на Грузија, Саломе Зурабишвили ја поздрави одлуката на ЕУ и кажа дека пристапувањето во ЕУ е „непоколеблива волја на грузискиот народ“.
Украина и Молдавија почнаа преговори со ЕУ. Грузиските региони Абхазија и Јужна Осетија се отцепени и се под контрола на Русија. Грузија се плаши дека Русија може да изврши нова инвазија на нивна територија.фото МИА