ГРУЗИСКАТА ПРЕТСЕДАТЕЛКА ВЕЛИ ДЕКА СМРТТА НА НАВАЛНИ Е ТЕМПИРАНА: Пораката е дека Русија прави што сака, каде сака
Објавено во: Свет 18 Февруари, 2024
Претседателката на Грузија, Саломе Зурабичвили изјави дека времето на објавувањето на смртта на рускиот дисидент Алексеј Навални не е случајност, туку порака од Русија.
Руската затворска служба првпат ја објави смртта на Навални непосредно пред почетокот на Минхенската безбедносна конференција во петокот.
„Мислам дека не беше случајно што смртта на Навални беше објавена неколку часа или минути пред почетокот на конференцијата во Минхен“, изјави денеска 71-годишната претседателка на последниот на Минхенската безбедносна конференција.
Таа ја обвини Русија за начинот на кој делува и покажува сила.
„Тоа е вообичаената карактерна особина на руската активност, да се обиде психолошки да импресионира дека Русија прави што сака, каде сака. И тоа беше порака, мислам, за конференцијата во Минхен“, рече таа.
Над 400 луѓе се уапсени во Русија по веста за смртта на Навални. Претходно, имаше поплаки дека Навални е изложен на студ во затворот, но и дека му ја пуштаат песната на Јарослав Шаман, инаку поддржувач на Путин.
foto DPA