Добивај вести на Viber
Компјутерските системи во јужнокорејската нуклеарна централа биле мета на хакерски напад при што помал дел важни податоци биле украдени, соопштува компанијата „Кorea hydro and nuclear power “(KHNP) од каде истакнуваат дека нападите не ја загрозиле нуклеарната инсталација која вклучува дури 23 нуклеарни реактори.
Експертите сепак сметаат дека контролата над нуклеарната централа би можела да биде загрозена.
„Оваа демонстрација покажува дека, доколку некој настојувал злонамерно да се инфилтрира во системот, не е возможно да се тврди дека таквиот обид бил потполно блокиран“ истакнал експертот за нуклеарни реактори, Сух Кун јул од Националниот универзитет во Сеул.
Министерството за енергетика соопштило, меѓутоа, дека е уверено оти нуклеарната централа може да одбие хакерски напади и да го блокира секој обид за влез во системот кој би можел да биде закана за безбедноста на реакторите.
Веста за обид за хакирање на нуклеарните реактори во Сеул доаѓа паралелно со обвинувањата на САД упатени кон Северна Кореја за извршен хакерски напад над компанијата „Sony pictures“.
„Sony pictures“ стана мета на хакерски напади поради најавата за филмот „Интервју“ во кој се зборува за измислен атентат врз лидерот на Северна Кореја, Ким Џонг Ун.