Холандските тур-оператори слетаа во Охрид, три дена ќе ја истражуваат Македонија

Добивај вести на Viber

Претпладнево во Охрис слета најавената групата од стотина претставници на холандските тур-оператори. Тие се предводена од извршниот директор на пператорот ТУИ, Стефан Ван дер Хајден и во Македонија ќе останат три дена. Во Охрис без пречекани Мариет Шурман, амбасадорката на Холандија во земјава која им порача дека природата е тука прекрасна исто како и луѓето. „Се надевам дека за овие три дена ќе ги почувствувате тие емоции. Македонија е мошне лесно да се засака, а тешко да се напушти“, изјави Шурман. Жак Крајненс, продукт-менаџер на туроператорот „ТУИ“ пак соопшти дека продажбата на аранжманите во Холандија пораснале за 40 проценти. „Веќе закупивме нови сместувачки капацитети во Охрид за 2013, но постои голем интерес кај холандските туристи за кружните тури низ Македонија. Тие се подготвени да одвојат време од својот одмор за да посетат што повеќе од културно-историските знаменитости. На нашите туристи не им се од примарна важност сместувачките капацитети. Хотели, базени, бетонски зданија има и во Шпанија, Турција, Грција“, посочи Крајненс. Според најавите, годинава од државите на Бенелукс треба да слетаат околу 20 илјади туристи и да се зголеми бројот на чартер-летови. Сега во Охрид неделно слетуваат четири авиони на „ТУИ“ и три на „Корендон“. Три сезони по ред туристите од Холандија и Бенелукс се најбројните странски туристи што летуваат во Охрид и Македонија.