Хонорарите на историската комисија на МНР се зголемиле за „78 отсто“, не се намалија иако премиерот најавуваше истрага
Објавено во: Економија 31 Јули, 2025 07:50
Во последните неколку години хонорарите во Комисијата за историски прашања со Бугарија, што произлезе од Договорот за добрососедство, достигнаа до речиси 2.000 евра на месечно ниво.
Македонските историчари од Заедничката мултидисциплинарна експертска комисија за историски и образовни прашања меѓу Република Македонија и Република Бугарија на редовно месечно ниво ги исплаќа Министерството за надворешни работи и трговија.
Според она што може да се забележи на алатката „отворени финансии“, месечниот хонорар на координаторот достигнува 120.000 денари, а останатите членови добиваат по 110.000, 104.000 денари, итн.
Само до пред некоја година оние што беа на платениот список во МНР добиваа по 1.000 евра, а координаторот по 74.000 денари. Од Министерството за надворешни работи не одговорија колку вкупно изнесуваат месечните трошоци за исплата на експертите од овој состав, но велат дека зголемувањето не е донесено со конкретен акт во актуелниот мандат.
„Ве информираме дека висината на надоместоците на членовите на историските комисии останува непроменета и е утврдена со одлука на претходната влада.
Во изминатиот период, со одлука на Владата, беше направена само измена во составот на комисиите, без интервенција во висината на нивните примања“, велат од министерството.
Владата уште во септември лани на седница за претседател (координатор) го назначи Ванчо Ѓорѓиев, професор на Факулетот за историја во Скопје. Други членови се Александар Литовски, Митко Панов, Сашо Додевски, Бесник Емини и Димитар Љоровски.
Премиерот Христијан Мицкоски по неколку дена побара истражни органи да се вклучат во истрага „која треба да покаже каде се трошеле парите и колкави се хонорарите на членовите на историската комисија“. Тој тогаш искоментира дека биле потрошени илјадници евра за ништо.
Комисијата, најчесто поради субјективни причини, го менуваат својот состав, па така минатата недела, по три години работа, се повлече историчарот Ванчо Ѓорѓиев од Заедничката мултидисциплинарна експертска комисија за историски и образовни прашања меѓу Република Македонија и Република Бугарија.
Во последните години нема речиси никакво поместување од „мртва точка“ на средбите на македонската и бугарската страна од мешовитата комисија.
* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
ПО ИНЦИДЕНТОТ СО ТУРЦИ ВО ПОДГОРИЦА: Во ноември, секој ден се затвораше по една турска компанија
Цената на кафето расте, но луѓето не се откажуваат од својот омилен напиток
Како да се одреди вистинската плата за новoто работно место?
Германија тоне во најлошата криза од 1945 година, индустријата се соочува со проблеми
Цени во најсеверната продавница во светот, поевтино е од САД
Хрвати се иселиле во Полска, тврдат дека земјата е драстично подобра од Хрватска
Обидот за увоз на берачи од Бангладеш и Пакистан не успеа во соседството
БДП СЕ ЗГОЛЕМИ ЗА 3.8 ОТСТО: Кои сектори се со најголем раст?
