Хрватска од следната година ќе остане без производство на јајца?

Добивај вести на Viber

Условите за производство на јајца, кои ги прифатила хрватските преговарачи со Европската унијата, во моментов не се задоволени кај хрватските фармери. Поради тоа, посоти можност, од следната година фармерите во Хрватска да се соочат со голем проблем, односно да не можат да одгледуваат кокошки несилки, бидејќи опремата и стандардите не се на нивото на ЕУ. Процените се дека, следната година, Хрватска може да остане без производство на домашни јајца. Јајцата од кокошка спаѓаат во групата од 6-7 земјоделски производи, кои Хрватска ги произведува во количини доволни за сопствени потреби. Според статистиката, годишно се произведуваат околу 750 милиони јајца, или 175 јајца по жител. Според податоците на Министерството за земјоделство, во Хрватска има регистрирано 165 фарми, со капацитет од 100 до 259.200 кокошки. Според тие податоци, капацитетот на сите фарми е 2.400.092 кокошки, но поради празните кафези, вкупно има 1,63 милиони.