„И 150 ПАТИ ЌЕ МЕ ГЛЕДАТЕ СО ЛОПАТА“: Мицкоски вели дека често ќе го гледаме со неа

Добивај вести на Viber

Ако биде се според планот, веќе втора половина на јули ќе го имаме ребалансот на буџетот во парламентот, а некаде во првата половина на август ќе биде објавен повикот до општините да аплицираат со проектите, зашто е голема можноста шест милијарди денари да бидат распределени кон општините за проекти што се подготвени, рече премиерот Христијан Мицкоски во тв гостување во емисијата „Анализа“ на ТВ24.

Откако беше запрашан дали како еден претходен премиер граѓаните често ќе го гледаат со лопата, тој рече дека 150 пати ќе го гледаме со лопата.

„Тоа значи дека 150 пати ќе ме гледате со лопата. Очекувам тука да бидат вклучени сите градоначалници. Тоа се проекти што се важни за граѓаните. Од тоа што имав можност да видам, се работи за големи проекти, за булевари, за канализациски системи, за водоводни системи, за градинки, за училишта“,вели Мицкоски.

Според него, со тие шест милијарди денари очекува најмалку 150 проекти да бидат исфинансирани, но како што рече, можеби ќе бидат и 200 проекти.