И директорот на Финансиска полиција оди во самоизолација - бил во контакт со Зекири
Објавено во: Македонија 01 Јуни, 2020
Директорот на Финансиска полиција, Арафат Муареми е во самоизолација, поради тоа што бил во контакт со пратеникот од СДСМ, Мухамет Зекири.
„Би сакал да ве информирам дека деновиве имав средба со г.Мухамет Зекири пред да излезе позитивен на тестирањето на Ковид 19. Од тие причини истиот ден одлучив да се самоизолирам согласно сите протоколи препорачани од надлежните институции“, напиша Муареми на неговиот Фејсбук профил.
Истакна дека нема никави симптоми и оти во текот на оваа недела ќе биде тестиран од Институтот за јавно здравје.
„На Мухамет Зекири заедно со фамилијата му посакувам што побрзо оздравување“, додаде Муареми во неговиот Фејсбук статус.