И од ММФ грешат, овојпат во прогнозите за штедење!

Добивај вести на Viber

Двајцата најпознати економисти на ММФ, Оливиер Бланшард и Дениел Лејт во новиот документ со математички формули покажува дека прогнозите биле погрешни кога се пресметувал ефектот на острите кастрења и штедење во земјите како што се Грција, Португалија и Шпанија. Во својот работен извештај насловен „Грешки во прогнозите на растот и фискалните мултипликатори“ тие ги резимираат сопствените грешки во пронозите за учинокот на мерките за штедење во европските економии. „Сметаме дека во напредните економии посилно планираната фискалната консолидација била проследена со понизок раст од очекуваното, со тоа што тој однос беше посебно изразен, статистички и економски, во почетокот на кризата. Прогнозите значајно ги потцениле растот на невработеноста и падот на домашната потрошувачка, поврзана со фискалната консолидација“, стои во извештајот, каде на пошетокот е нагласено дека „тој не ги изразува официјалните ставови на ММФ“. ММФ сега и официјално советува помали буџетски штедења заради непредвидливиот постојан раст на невработеноста и немањето економскиот раст.