И ова го има! Брод за крстарење вреден над една милијарда евра
Објавено во: Стил 28 Декември, 2012
Бродоградилиштето СТХ Франс соопшти дека потпишало договор со бродосопственикот Ројал Карабиан Круиз Лајн изградба на брод за крстарење од типот „оазис“ чија испорака е предвидена во текот на 2016 година.
Бродот за крстарење е вистински морски гигант, долг 361 м и изградбата ќе започне во септември 2013 година во бродоградилиштетот во Сант Назер. Тоа е најголем брод кој ќе биде граден овде, стои во соопштението на СТХ Франс.
Според СТХ Франс, нарачителот предвидува изградба и на втор ваков брод, кој би започнал да плови во 2018 година.
Нарачката на бродот веднаш беше поздравена од министрите за финансии и економија на Франција, Пјер Московиси и Никол Брик министерката за надворешна трговија, бидејќи таа дозволува гарантирање на работните места во бродоградилиштето во наредните три години со околу 10 милиони работни часови.
СТХ Франс е филијала на СТХ Еуроп, сопственост на јужнокорејското бродоградилиште СТХ Шипбилдинг.
