И ПОКРАЈ БРЕГЗИТ: Британија сака слободен пристап до единствениот пазар

Добивај вести на Viber

Дејвид Дејвис изјави дека Велика Британија по Брегзит ќе стапи во преговорите со земјите од ЕУ, барајќи слободен пристап до единствениот пазар. Ова го пишува весникот „The Independent“.

Дејвис, кој ќе игра водечка улога во преговорите, изјави дека ќе биде во интерес на земјите од ЕУ да ги задржат добрите односи со Велика Британија.

За време на посетата на Северна Ирска Дејвис вели: „Во однос на пристапот до единствениот пазар, тоа кон што ќе се целиме кон тарифниот пристап до него, но тоа е прашање на преговори“.

„Ние ќе преговараме по прашање што претпоставувам е од интерес за другите членки на ЕУ и тие сакаат да добијат добри трговски односи со Обединетото Кралство на долг рок“, рече тој.

За време на посетата Дејвис исто така, вети дека нема да има враќање на „цврстата граница“ меѓу Северна Ирска и Република Ирска, кога Британија ја напушти ЕУ.

Пишувајќи за Belfast Telegraph во четвртокот, Дејвис изјавил: „Имавме заедничка зона за патување меѓу Велика Британија и Република Ирска долги години пред земјите да бидат членки на ЕУ. Ние сме јасни, не сакаме цврста граница - без враќање кон минатото - и без непотребни трговските бариери“.