И средношколци би можеле да почнат да ги полнат автобусите за Германија?
Објавено во: Економија, Свет 01 Септември, 2016
Рекордни 172.224 слободни места останале во германските средни стручни училишта, што може да биде шанса за ученици од други земји.
Платите на занаетчиите се пристојни. Работа има, а и образованието во Германија е едно од најквалитетните.
Слободни места има за сите стручни занимања, пишува Lupiga.
Се бараат ученици кои би се образувале за фризери, автомеханичари, за во малопродажба, угостителство, хотелиерство, медицина.
Лани 150.000 млади луѓе повеќе се одлучиле за студии за разлика од пред десет години.
Се наведува дека во Германија луѓето со занает може да бидат поплатени и од луѓе кои се вработени врз основа на факултетска диплома.
Хрватите стравуваат дека како што сезонци заминуваат надвор, така и младите можат да почнат да ги полнат автобусите и да заминуваат да се школуваат во Германија.