И таткото на министерот Благој Бочварски во бизнисот со струја

Објавено во: Економија 01 Февруари, 2023 07:40
Регистрација на фирми за производство на електрична енергија од страна на најблиски членови од семејствата на актуелни и поранешни членови на Владата е тренд кој не запира во последно време.
Таткото на министерот за транспорт и врски Благој Бочварски, Венцислав Бочварски од Штип, е управител на новоформираната фирма за производство на електрична енергија Техно Енерџи.
Сопственик на новата фирма од Штип е Техноинвест Штип, претпријатие кое се наоѓа на истата адреса на која живее и Венцислав Бочварски. Формата е регистрирана со почетен влог од 442.800 денари со поднесено барање за основање на 10 јануари.
Досега единствената фирма на таткото Бочварски која беше позната во јавноста е Де Лукс Доо, споменувана во критиките на опозицијата дека учествува на јавни набавки додека синот Бочварски извршува функции.
Досега имаше сознанија дека како основачи на фирми за производство на електрична енергија се јавуваат имиња на најблиски од врвот на власта, а последен во низата сега е и родителот на поранешниот градоначалник на Штип.
Не е познато со какво производство на струја ќе се бави Техно Енерџи на Бочварски, но во тренд се обновливите извори на енергија, особено фотонапонските централи. Високите цени на слободниот пазар се атрактивни за голем број на инвеститори во последно време.
Александар Кузмановски
Можеби ќе ве интересира
Украинска телекомуникациска компанија излегува на Берза

ДИЗАЈНЕРОТ КОЈ ЗАРАБОТУВА 60 МИЛИОНИ ДОЛАРИ ГОДИШНО - тој го тврди она што на многумина нема да им се допадне, а особено на жените

ДАЛИ НИТУ НАЈБЛИСКИТЕ ПОВЕЌЕ НЕ МУ ВЕРУВААТ - братот на Илон Маск продаде акции вредни речиси 30 милиони долари

ПЛАТИТЕ ВО ХРВАТСКА НИКОГАШ ПОВИСОКИ - но само една третина заработува повеќе од просекот

ЗЕМЈА КАДЕ РАБОТАТ МНОГУ МАКЕДОНЦИ: До 2030 година ќе им требаат половина милион работници

УШТЕ ЕДНА ЗЕМЈА ОД РЕГИОНОТ „УВЕЗУВА“ РАБОТНИЦИ: Им требаат градежници, заварувачи, бравари...

ДЗС ОБЈАВИ НОВИ ПОДАТОЦИ: Колку изнесува просечната плата во земјава?
