28 Март, 2024
0.0337

И тоa го има! Кој е неизвршниот директор што бара паушал од 1.355 евра во фирма што три години работи со загуба?

Објавено во: Економија 18 Јануари, 2023

Добивај вести на Viber

Уште поинтересно е тоа што единствена точка на дневен ред на претстојното акционерско собрание на РЖ Интер-Трансшпед ќе биде само месечниот паушал на сегашниот претседател на Одборот на директори. Ќе реагираат ли повеќе од 4.900 домашни акционери – физички лица кои повеќе од три години не виделе дивиденда?

Потегот на Борис Ангеловски, претседател на Одборот на директори на РЖ Интер-Трансшпед ќе остане запишан во македонската корпоративна историја.

Во својство на претседател на бордот им предлага на акционерите на претстојното собрание на таа транспортна компанија да му го изгласаат предлогот со кој неговиот месечен паушал ќе изнесува, ни помалку ни повеќе, 83.333 денари во бруто износ. Тоа би било 75.000 денари нето месечен паушал доколку овој трошок се оданочува според стапката од 10 отсто персонален данок на доход.

Интересно е тоа што Ангеловски кој е претседател на директорскиот борд сам себеси се предлага за месечен паушал и тоа како предлог – одлука на следното акционерско собрание кое треба да се одржи на 17 февруари годинава.

РЖ „Интер – ТРаншпед“ е компанија произлезена од поранешниот гигант „Рудници и железарница Скопје“. Основна дејност на ова друштво е транспортот, а се занимава со шпедиција, утовар и истовар на стока и други логистички услуги.

Акцијата на компанијата котира на Официјалниот пазар на берзата на сегментот котација, но со неа не се тргувало подолго од една година наназад. Последната пазарна цена за таа акција изнесувала 20 денари, а во последните три години наназад (2019-2021 година) ова друштво не делело дивиденда на своите акционери. Од официјалните податоци на берзата е видливо дека за овие години друштвото работело со загуба.

Податоците за првите девет месеци лани покажуваат дека компанијата има добивка од околу 40.000 евра на приходи од 437.000 евра.

Ова друштво има тројца мнозински акционери кои се домашни физички лица. Двајца од нив поседуваат по 19 отсто од акциите. Тоа се познатиот бизнисмен Минчо Јорданов и Никола Ангелевски. Нивниот партнер Симеон Василев поседува 13,5 отсто од акциите. Друштвото во сопствен откуп има уште 10 отсто од акциите. Другите 36 отсто од акциите се во споственост на над 4.900 домашни акционери – физички лица. 

Р.Ф.

foto freepik.com

Можеби ќе ве интересира

Новите газди го вратија стариот сјај! Како „Скопски пазар“ ќе направи над 10 милиони евра приходи?

Новите газди го вратија стариот сјај! Како „Скопски пазар“ ќе направи над 10 милиони евра приходи?

ВЛЕГЛЕ ВО КАНЦЕЛАРИЈАТА НА GOOGLE ВРЕДНА ДВЕ МИЛИЈАРДИ ДОЛАРИ - „баш е таква каква што ја замислувавме, право одморалиште“

ВЛЕГЛЕ ВО КАНЦЕЛАРИЈАТА НА GOOGLE ВРЕДНА ДВЕ МИЛИЈАРДИ ДОЛАРИ - „баш е таква каква што ја замислувавме, право одморалиште“

ЦЕНТРАЛНОЕВРОПСКИ ДОГОВОР ЗА СЛОБОДНА ТРГОВИЈА - ДОПОЛНИТЕЛЕН ПРОТОКОЛ 6 - еве кои се предностите

ЦЕНТРАЛНОЕВРОПСКИ ДОГОВОР ЗА СЛОБОДНА ТРГОВИЈА - ДОПОЛНИТЕЛЕН ПРОТОКОЛ 6 - еве кои се предностите

Битиќи: Во 2025 работна недела од 7 часа дневно во одредени сектори

Битиќи: Во 2025 работна недела од 7 часа дневно во одредени сектори

МАКЕДОНСКИТЕ ЧОКОЛАДИ САМО МАЛКУ ПОВКУСНИ ЗА СТРАНЦИТЕ - како „Европа“ профитираше со 600 илјади евра и дали е тоа добар резултат

МАКЕДОНСКИТЕ ЧОКОЛАДИ САМО МАЛКУ ПОВКУСНИ ЗА СТРАНЦИТЕ - како „Европа“ профитираше со 600 илјади евра и дали е тоа добар резултат

Просечна плата во АЕК надминува 1.000 евра

Просечна плата во АЕК надминува 1.000 евра

НИНГБО – СТОТИЦИ ИЛЈАДИ КОНТЕЈНЕРИ, СТОТИЦИ ИЛЈАДИ ТОНИ СТОКА: Оттука па низ целиот свет, вака се поврзува Кина

НИНГБО – СТОТИЦИ ИЛЈАДИ КОНТЕЈНЕРИ, СТОТИЦИ ИЛЈАДИ ТОНИ СТОКА: Оттука па низ целиот свет, вака се поврзува Кина

КАКАОТО СЕ ПРЕТВОРИ ВО НАЈСЈАЈНА ЅВЕЗДА НА ПАЗАРОТ - на берзите се плаќа речиси по 10.000 долари за тон

КАКАОТО СЕ ПРЕТВОРИ ВО НАЈСЈАЈНА ЅВЕЗДА НА ПАЗАРОТ - на берзите се плаќа речиси по 10.000 долари за тон

ВОЛВО СТАВА КРАЈ НА ЕДНА ДОЛГА ИСТОРИЈА - им кажаа збогум на „дизелашите“

ВОЛВО СТАВА КРАЈ НА ЕДНА ДОЛГА ИСТОРИЈА - им кажаа збогум на „дизелашите“