ИГМ Трејд на Илија Гечев наплаќа кирија од 1,35 милиони евра од еден објект
Објавено во: Економија 08 Март, 2024 11:52
Гигантотот за откуп и преработка на тутун од Кавадарци, Алајанс Уан, му плаќа околу 1,35 милиони евра годишен закуп за објектот, кој инаку е изграден и е во сопственост на ИГМ Трејд на бизнисменот Илија Гечев.
Ова е објавено во извештајот поднесен од странскиот инвеститор до „Македонска берза“ за резултатите постигнати во 2022. Таму пишува дека трошокот за наемнина на деловен и административен простор на годишно ниво чини 82.201.000 денари, а чинењето на закупот е приближно исто како и тој за една година претходно.
„Поради истекување на постоечкиот договор, склучен е нов на ден 29.12.2020 со рок на важнос до 31.12.2030 за оперативен наем со ИГМ Трејд за изнајмување на канцелариски, магацински и производствен простор со вкупна површина од 71.764 метри квадратни“, објави Алајанс Уан.
Во извештајот за годишниот биланс се споменува и дека со ИГМ Трејд е потпишан договор за долгорочен закуп за прв пат од 2011. Фабриката за обработка на тутун на компанијата „Алајанс Уан Македонија“ во Кавадарци е отворена истата година. Таа е изградена од македонската компанија „ИГМ Трејд“ и е дадена под закуп на „Алајанс Уан“.
Инаку, оваа инвестиција прв пат е регистрирана во Македонија во 1998 година, кога холандската компанија „Интабекс“ со основачки влог од 2,33 милиони евра ја регистрира компанијата „Југотутун“ која подоцна се преименува во „Дајмон МД“. Во октомври 2010 година компанијата се преименува во „Алајанс Уан Македонија“.
Инаку „Алајанс Уан“ во тековната година остварил приходи од 43 милиони евра и за 2 милиони евра подобар резултат од претходната година. Остварената добивка е 2 милиони евра.
ИГМ Трејд на Илија Гечев, еден од најбогатите бизнисмени во земјата, е еден најголемите производители на челични и заварени цевки и профили во Југоистична Европа. Фабриката во Кавадарци е на површина од 400.000 квадратни метри, а има капацитет од 200.000 тони годишно. Покрај тоа, компанија има влогови и во други домашни и странски инвестиции.
За ИГМ Трејд пред извесно време се зборуваше дека е еден од можните купувачи на кавадаречкиот Еуроникел Индустри, инаку сега во сопственост на Комерцијална банка откако влезе во стечајна постапка.
А.К.
Можеби ќе ве интересира
ИНВЕСТИЦИЈА ВО ВРЕДНОСТ ОД 5 МИЛИОНИ ЕВРА: „ја враќаме надежта за развој на јужниот крај на Македонија“- изграден регионалниот пат кој ги поврзува Гевгелија и Богданци
ИРАНСКИОТ ПАРЛАМЕНТ ГЛАСА ЗА ЗАТВОРАЊЕ НА ХОРМУТСКИОТ ТЕСНЕЦ: А тој е апсолутно неопходен за светската трговија со нафта
ГЛОБАЛНИТЕ АКЦИИ ПАЃААТ ПОРАДИ ЕСКАЛАЦИЈАТА НА БЛИСКИОТ ИСТОК: Инвеститорите стравуваат од поширока криза
ЗБОГУМ НА ЛЕГЕНДАТА: Последните 55 единици пристигнаа во Европа – го нарекуваат „модел за збогум“
ТРИПУНОВСКИ ЌЕ ГИ ВРАЌА МЛАДИТЕ ДА СЕ ВРАТАТ ВО ЗЕМЈОДЕЛСТВОТО: Вели дека имаат сет мерки за тоа
ПОЧИНА ЕДЕН ОД НАЈГОЛЕМИТЕ АМЕРИКАНСКИ БАНКАРСКИ БИЗНИСМЕНИ: Тој го создаде FedEx и заработи милијарди
ДО СРЕДИНА НА ЈУЛИ ПРИСТИГНУВААТ 120 АВТОБУСИ: Ќе стигнат со станици за полнење
ДОМИНАНТНИОТ ГЛОБАЛЕН СОПСТВЕНИК ПОСЕДУВА ПОВЕЌЕ ОД 8.000 ТОНИ ЗЛАТО: Вреди неверојатни 985,6 милијарди долари
АВТОМОБИЛИ ЈА ВОДАТ ГЕРМАНИЈА ОД КРИЗА? Нарачките растат, производството на возила ја извлекува економијата од рецесија
