Илир Хасани станува бизнисмен, ќе гради фотонапонска централа во Куманово
Објавено во: Економија 02 Септември, 2022
Поранешниот заменик-министер за здравство Илир Хасани се приклучува во новите бизнис-трендови во земјата и ќе гради фотонапонска централа во Куманово, потврдува трауматологот за „Фактор“.
Зад „Некст Ера Солар Систем“, освен доскорешниот владин функционер, како ко-сопственик се јавува и членот на Советот на Општина Куманово од редовите на ДУИ, Ридван Дервиши.
- Самата држава во денешно време дава такви иницијативи и јас сакам да помогнам во енергетската криза. Освен тоа, секогаш сум бил еколошки настроен, па дури и моите автомобили сакам секогаш да бидат во чекор со зачувувањето на животната средина. Но, ова е проект кој е во самиот почеток и има уште многу време додека да се етаблира, вели Хасани.
Тој додава дека се уште не се знае со колкав производствен капацитет ќе биде централата и дека се ќе зависи од неговата и од финансиската расположливост на неговиот партнер.
- Најважно е тоа што тука нема ништо противзаконски, затоа што повеќе не сум директор, ниту пак извршувам каква било друга функција. Останува да ги комплетираме постапките што следуваат за да се стекнеме со статус повластен производител, додава Хасани.
Тој беше втор човек во Министерството за здравство кога министеруваше Венко Филипче. Во февруари на местото на Хасани назначен беше Владимир Рендевски, а претходно Филипче беше заменет од Беким Сали.
Во периодот од 2011 до 2017 година Хасани беше раководител на Ургентниот хируршки центар, а потоа e именуван за директор на Клиниката за ТОАРИЛУЦ и назначен за национален советник на министерот за здравство. Од септември 2020 година ја извршуваше функцијата заменик-министер за здравство.
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
Можеби ќе ве интересира
КОЛКУ Е СЕГА БОГАТ МИСТЕРИОЗНИОТ КРЕАТОР НА БИТКОИНОТ, САТОШИ НАКАМОТО? Првиот „рудар“ престанал да копа во 2010 година
ОД САМОУК ИНЖЕНЕР ДО НАЈНОВ МИЛИЈАРДЕР ВО ВСЕЛЕНСКАТА ИНДУСТРИЈА: Станува опасна конкуренција на Илон Маск
ДО BBC СТИГНАА ВИДЕО СНИМКИ – РУСИТЕ ИСПОРАЧУВААТ НАФТА НА СЕВЕРНА КОРЕЈА: „Ова е нафта за проектили, нафта за артилерија и сега нафта за војници“
ШПАНИЈА КАЗНИ ПЕТ НИСКОБУЏЕТНИ АВИОКОМПАНИИ ЗА ВИСОКИТЕ ДАВАЧКИ ЗА БАГАЖ: Еве која заработи најголема милионска казна
ГРИН МАШИНС НА БРАКО НА КЛУЧЕН ЕВРОПСКИ САЕМ ЗА ЗЕЛЕНА И ЦИРКУЛАРНА ЕКОНОМИЈА ВО ИТАЛИЈА
НАПАДОТ ОД ВЧЕРА ИМАШЕ ВЛИЈАНИЕ: Руската валута е на најниско ниво во однос на доларот од март 2022 година
МИЦКОСКИ ОД СРБИЈА: Овој настан е доказ за моќта на соработката што нашите земји ја имаат кон унапредувањето на економските врски
СЕ ЗГОЛЕМИ ЦЕНАТА НА ЗЛАТОТО: Колку чини унца попладнево?
МОЖНОСТ ЗА РАБОТА: Итно се потребни 5.000 работници, дневници до 130 евра и лесна регистрација
