ИМА ОПТИМИЗАМ КАЈ ЈАНЕВСКА: Дали наставниците наскоро ќе добијат покачување на платите?
Објавено во: Македонија 07 Октомври, 2024
Сега веќе се појавуваат можности наставниците да добијат покачување уште годинава. Ова го најави министерката за образование, Весна Јаневска. Таа вели дека она што СОНК го бара ќе можат да го остварат со тек на време.
„И очекувам дека и годинава ќе има покачување на платите на наставниците. За разлика од пред неколку месеци каде што можностите речиси беа исцрпени сега веќе се појавуваат“, вели Јаневска.
Од СОНК бараа платите на наставниците да се зголемат веднаш и кадарот да не чека до идната година.
Кон крајот на септември, од СОНК побараа покачување на платите веднаш или најавија дека се можни протести. Тие упатија порака до Јаневска, и до премиерот Христијан Мицкоски да пренаменат пари во буџетот за повисоки плати.
Трошоците за живот се покачени и во ССМ веќе бараа и минималецот да се зголеми на 450 евра.
фото принтскрин