ИМА ПОВРЕДЕНИ: Бурата Золтан направи хаос во Германија
Објавено во: Свет 22 Декември, 2023
Силно невреме денеска ја погоди Германија. Дрвја паднаа на патишта и шини, има повредени, а 2.000 луѓе останаа заробени на станицата.
Поради бурата Золтан, откажани се и фериботите, а некои мостови беа затворени.
Повеќе од 2.000 луѓе се заробени на Централната станица во Фулда бидејќи возовите повеќе не сообраќаат. Многу патници се снаоѓаа сами за да стигнат до својата дестинација. Германската метеоролошка служба (DWD) издаде предупредување за сериозно невреме, а во некои области се очекуваат ветрови со силина на ураган. Годинава во повеќе европски земји имаше невреме кое однесе жртви. Вчера имаше невреме во Англија. Таму исто имаше повредени, но и многу училишта беа затворени.