ИМА УШТЕ ВРЕМЕ ЗА ЕВТИН ОДМОР: Еве каде да летувате месецов по евтини цени!
Објавено во: Стил 01 Септември, 2018
Ако ја меркате опцијата лето во септември, тогаш навистина нема да згрешите. Ем ќе си поминете поевтино, ем ќе избегате од гужвите на плажи.
Сепак, Грција е извесно дека ќе биде скапа и во септември, а вие имате опција овој пат да ја скокнете и да уживате во последните денови на летото во Црна Гора, Албанија а зошто не и Бугарија.
Можеби споредбата на морињата нема шанси, но зошто да не се посети некоја од овие опции.
Црна Гора е најисплатлива со закуп на амартманско сместување со една или две звезди, со сопствен превоз.
Во местата како Сутоморе, Чањ, или околината, апартманите кои се идеални за две лица дури и во сезона може да се најдат за 25 евра, а пред сезона или во септември и за помалку. Така испаѓа да седум дена, по лице, може да чинат помалку од 90 евра.
Валона исто така нуди евтино летување . За ноќевање ќе платите околу 20 евра , но на плажите ќе може да уживате пиејќи кафе за 35 денари под чадор со лежалки кои чинат 150 денари.
Пивото ќе ве чини 45 денари а за обилен ручек со предјадење јадење и десерт за двајца ќе треба да издвоите и помалку од 1000 денари.
Се што треба е само да пребарате на интернет или да се распрашате во туристичките агенции. Ние сме сигурни дека ќе имате евтин но и незаборавен одмор.