ИМААТ ДОБРА ПРИЧИНА: Германските работници излегуваат на штрајк
Објавено во: Свет 08 Јануари, 2018
Илјадници работници во металската и инженерската индустрија во Германија ќе ја прекинат работата неделава и ќе започнат со штрајк за повисоки плати. Најголемиот синдикат на работници „ИГ Метал“ бара покачување на платите за 6% оваа година за околу 3,9 милини вработени.
Работодавачите го одбија барањето на синдикатот за зголемување на платите како претерано и понудија зголемување од 2 отсто, како и еднократна исплата на 200 евра во првиот квартал. Синдикатот кој бара да се скрати работната недела, има право на штрајк и повеќето работници обично се приклучуваат на таквиот повик. „
„Со првиот бран предупредувачки штрајкови ќе извршиме притисок врз работодавачите за да преговараат“- вели шефот на синдикатот во Баварска, Јирген Вехслер.
ИГ Метал“ неделава ја покрена идејата за штрајк, на која ги повика сите работници во компании, вклучувајќи ги и производителите на спортските автомобили „Порше“.
Разговорите за платите продолжуваат на 11 јануари во покраината Баден – Виртемберг, во која се наоѓаат компаниите „Порше“, „Мерцедес- Бенз“ и „Бош“.