Индустријата непривлечна за работа-скромен раст на работници во јули

Добивај вести на Viber

Во јули во однос на истиот период лани во одредени сектори има зголемен број на работници, а во дел има и намалување.

Индексот на бројот на работниците во индустријата во  јули 2016 година, во однос на јули лани изнесува 99.4. Ова го покажуваат статистиките на Државниот завод за статистика.

Бројот на работниците во секторот рударство и вадење на камен во јули 2016 година, во однос на јули лани има пораст од 1.5%, во секторот преработувачка индустрија бележи опаѓање од 0.7%, а во секторот  снабдување со електрична енергија, гас, пареа и климатизација е евидентирано опаѓање од 0.5%.

Според главните индустриски групи, бројот на работниците во индустријата во јули 2016 година, во однос на  јули 2015 година, бележи пораст кај енергија за 0.9%, интермедијарни производи, освен енергија за 1.3%,  капитални производи за 9.7% и трајни производи за широка потрошувачка за 3.0%, додека опаѓање бележи  кај нетрајни производи за широка потрошувачка за 4.1%.

Индексот на бројот на работниците во индустријата во периодот јануари - јули 2016 година, во однос на периодот јануари - јули 2015 година, изнесува 100.9.

Во првите три месеци понудата на работна сила се намали за 1,4% во земјата, што претставува натамошно продлабочување на негативната годишна динамика присутна во претходните три квартали, пишува во последниот извештај на НБМ.

Лани во првите три месеци вкупното активно население изнесуваше 959.388 лица. Од јануари до март годинава таа бројка падна на 945.821 лице.