Индустрискиот промет со раст на странските пазари

Добивај вести на Viber

Раст од 3,4 отсто бележи прометот на индустријата во март годинава во март, во однос на истиот месец лани. Според Државниот завод за статистика прометот на домашниот пазар има пад од 4,6 отсто, на странските пазари пак има раст од 7,6 отсто.

Гледано по сектори, прометот во индустријата во секторот Рударство и вадење камен во март 2013 година, во однос на март 2012 година, бележи опаѓање од 1 отсто, а во секторот Преработувачка индустрија пораст од 3,6 отсто.

Според главните индустриски групи, прометот во март 2013 година, во однос на март 2012 година, бележи пораст кај Капитални производи за 45 отсто, Трајни производи за широка потрошувачка за 3,3 отсто и Нетрајни производи за широка потрошувачка за 10,6 отсто, додека опаѓање бележи кај Енергија за 49,1 отсто и Интермедијарни производи, освен енергија за 10,6 отсто.

Прометот во индустријата во март , во однос на февруари годинава, има пораст од 10,6 отсто, додека во периодот јануари-март 2013 година, во однос на периодот јануари-март 2012 година, пораст од 3,8 отсто.