ИНТЕРВЈУ Саимир Дамо, Уника: Осигурителниот пазар во Македонија има неискористен потенцијал

Добивај вести на Viber

Луѓето во Македонија стануваат посвесни за потребата од економска заштита на макотрпно стекнатиот дом односно недвижен имот. Но и компаниите се посвесни за ризикот од непредвидени несреќни случаи во нивните производствени погони или деловни простории и економските последици за луѓето кои работат таму и нивните семејства, вели Саимир Дамо, генерален директор на UNIQA осигурување. Оваа 2014 година, славите јубилеј, 10 години од своето работење во Македонија. Како го оценувате досегашното работење, и што ново да очекуваме од UNIQA осигурување ? Дамо: Друштвото за осигурување UNIQA а.д Скопје е дел од една од најголемите австриски осигурителни компании UNIQA Insurance Group. На македонскиот пазар присутни сме од 2004 година во сегментот неживотно осигурување, а од 2011 година преку УНИКА ЛАјф а.д нудиме и животно осигурување. Преку нив, 200 годишното Австриско искуство во осигурувањето го пренесуваме во Македонија. Во UNIQA осигурување, поседуваме силен бренд кој ни овозможува многу добра основа за нашиот понатамошен развој. UNIQA е присутна во 20 земји во Централна и Источна Европа. Како водечка европска осигурителна групација имаме обврска да продолжиме активно да работиме во развивањето на нови производи, да ги овозможуваме највисоките стандарди на квалитет и услуга кон нашите клиенти и заедно со нашите продажни партнери да ги спроведеме стратегиите за успех. Услугата кон нашите клиенти е појдовна точка на нашиот бизнис. Ние сме фокусирани на нашиот суштински бизнис овозможувајќи финансиска безбедност при исплата на штети. Ние се грижиме за нашите клиенти и создаваме решенија за нивните потреби. Нашите долгорочни корпоративни цели се да се развиеме во компанија која ја овозможува најдобрата услуга кон клиентите.Оваа посветеност оди во прилог - како на клиентите, така и за нас, преку зголемување на нашиот пазарен удел. Создаваме врска помеѓу луѓето и UNIQA - секојдневните ризици кои ги менуваат животните текови, осигурени преку продуктите на UNIQA ги прават „промените во животот“ позитивни. Нашето портфолио е реосигурано со договор (Excess of loss reinsurance treaty) со UNIQA RE, покривајќи ги нашите осигуреници и деловни клиенти за сите осигурени суми. Ова ни дава можност да го зголемиме нашиот осигурителен капацитет и ни овозможува безбедно да опслужуваме меѓународни корпорации во Македонија без да бараме дозвола за реосигурување. Во нашите договори секогаш го вклучуваме и ризикот од катастрофи кој позитивно влијае на довербата во нас, бидејќи Македонија лежи на сеизмички активно подрачје. Нашите клиенти можат да бидат потполно уверени дека нивните имоти и бизниси кај нас секогаш ќе бидат надоместени од несакани и непредвидливи настани. Како го оценувате македонскиот осигурителен пазар во споредба со земјите во регионот? Дамо: Осигурителниот пазар во Република Македонија спореден со осигурителните пазари во регионот има голем неискористен потенцијал. Во Република Македонија годишната потрошувачка по жител за осигурување изнесува €51, во Србија €86/ж./год., а во Бугарија €122 додека жителите на Хрватска просечно трошат по €304 на осигурителни продукти во текот на годината, а пак во Словенија приближно €1,000. Австријците, пак се еднакви со просекот во ЕУ кој изнесува околу €2,500 годишно. Овие податоци ни говорат дека доколку Македонците користат двојно повеќе осигурителни услуги, како во соседните Србија и Бугарија, тогаш осигурителниот пазар би се дуплирал односно би вредел повеќе од 200 милиони €. Значајно влијание за недоволно брзиот раст на осигурувањето во Македонија, имаат и релативно новите осигурителни производи на македонскиот пазар - животното осигурување и доброволното здравствено осигурување со чии придобивки граѓаните допрва се запознаваат. Потенцијалот на овие продукти е огромен, на пример, една третина од вкупната ланска премија од 6 милијарди Евра на нашата групација - UNIQA Insurance Group се реализира на доброволното здравствено осигурување, една третина на животното осигурување и останатата премија на имотното и автомобилско осигурување, заедно. Какви се видови на осигурување им нуди UNIQA на своите клиенти? Што најчесто осигуруваат Македонците? Дамо: Како дел од својот развоен план, од 2011 година преку новоформираната компанија UNIQA Life Македонија, UNIQA влезе и на пазарот на животно осигурување и продолжи да ги нуди сите форми на животно и неживотно осигурување: осигурување од незгода, осигурување на имот, oсигурување од одговорност, осигурување на возила, каско плус (ГПС услуги), патничко осигурување во странство, доброволно здравствено осигурување, банкоосигурување; животно осигурување за возрасни, деца, кредикорисници и лојални работници. UNIQA неодамна започнa со новиот продукт КАСКО ПЛУС. Какви бенефиции можат да очекуваат осигурениците од оваа иновативна услуга? Дамо: УНИКА го креираше продуктот КАСКО ПЛУС, преку кој ја наградува лојалноста на клиентите при склучување на тригодишен КАСКО договор со бесплатен високо квалитетен уреди за ГПС лоцирање. КАСКО ПЛУС за лична употреба, нуди увид во вашето возило, различни видови на известувања со кои возилото е побезбедно – полесно пронаоѓање на возилото при кражба и други поволности и извештаи. Компаниите кои ги користат КАСКО ПЛУС услугите на УНИКА имаат зголемена контрола врз возниот парк како и подобрување на продуктивноста и работната дисциплина, а исто така неавторизираното користење на возилата е спречено. Сето ова ќе доведува до намалување на трошоците за гориво, сервис и осигурување на возниот парк, воедно зголемувајќи ја сигурност на возилата. Животното осигурување е тренд во Македонија. Колку овој осигурителен сегмент се развива во Македонија, и што нудите на тоа поле? Дамо: Животното осигурување е во постојан пораст во Македонија бидејќи е нов производ на пазарот и има огромен потенцијал. Тоа се должи на развивањето на свеста кај купувачите за економската заштита на животот - како дополнителен приход во нивните поодминати (пензионерски) години (продукт: Живот плус); како почеток на самостојниот живот на нашите деца (Футура); или како финансиска заштита на членовите на семејството на кредитокорисниците при евентуален несреќен случај (Credit Life). Дали Македонците се повеќе ја препознаваат потребата од имотно осигурување и многубројните предности кои тоа ги нуди? Дамо: Луѓето во Македонија стануваат посвесни за потребата од економска заштита на макотрпно стекнатиот дом односно недвижен имот. Но и компаниите се посвесни за ризикот од непредвидени несреќни случаи во нивните производствени погони или деловни простории и економските последици за луѓето кои работат таму и нивните семејства. Така на пример, малкумина знаат дека трошоците за санирање на штетите предизвикани од пожарот на покривот на Старо-новиот Театар се покриени од УНИКА осигурување. Исто така, многумина се сеќаваат кога целиот производствен погон на фабриката Везе Шари во Тетовското село Требош изгоре од пожар, причинувајќи штета од 1,2 мил. Евра. УНИКА осигурување во рок од 15 дена ја надомести штетата од несреќниот случај и денеска Везе Шари е повторно присутна на пазарот со своите производи. Ова се само неколку од многуте слични несакани настани кои УНИКА осигурување ги надоместува веќе 10 години во Република Македонија - станувајќи партнер во најтешките моменти во животот и работењето.