Исплатени пензиите, заостанати субвенции и студентските стипендии
Објавено во: Економија 05 Јуни, 2017
Министерството за финансии денеска на сметките на 301.660 пензионери исплати 4 милијарди 174 милиони денари пензија за месец мај.
Денес се исплатени и студентските стипендии. Студентите ги добија стипендиите за последните 5 месеци во висина 118,2 милиони денари, соопштија од министерството за финансии.
Исто така, денес Министерството исплати 439 милиони денари за субвенции, од кои за житни култури 114,1 милиони денари, за лозови насади 31,8 милиони денари, за градинарски култури 36,3 милиони денари, за мерката одгледување на говеда 100 милиони денари, за одгледување на овци 154 милиони денари и за млеко 2,7 милиони денари.